عيون قلبي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


اهـلآ بــكـم فــي مـنـتــدي عـــيــون قــلــبـــي
 
البوابةالرئيسيةأحدث الصورالتسجيلدخول

 

 الفرق بين الزوجه السوريه والفلسطينية

اذهب الى الأسفل 
4 مشترك
كاتب الموضوعرسالة
القمــــ
زائر
Anonymous



الفرق بين الزوجه السوريه والفلسطينية Empty
مُساهمةموضوع: الفرق بين الزوجه السوريه والفلسطينية   الفرق بين الزوجه السوريه والفلسطينية I_icon_minitimeالأحد أغسطس 10, 2008 8:09 am

> اذا وقع زوجها عن الدرج:
>
>
> السوريه : ولي على آمتي، سلامتك حبيبي أنشاء الله ، انا ولا انتا ابن عمي (
> ميته خوف عليه )
>
>
> الفلسطينية : شو مالك دخت ؟ الله ما برمي الناس بحجار خطيتى الله لا يردك (
> بتستناه يموت علشان تورث)
>
>
>
> اذا الزوج بدو يسافر:
>
>
> السوريه : انتبه لنفسك ابن عمي، جهزتلك الشنطه، كتّر خيرك على الاغراض اللى
> اشتريتها، بيكفوا سنه الله لايحرمنا من دخلتك علينا، أولي على آمتي، تروح وترجع
> بالف سلامه
>
>
> الفلسطينية :أسبوع مبوزة قبل السفر، وكل شوي دموع، ومتى بدك تروح؟ ومع مين بدك
> تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها
> بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف
> وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك
> فيها وين ما تروح ( هوايتها نكد )
>
>
>
> إذا الزوج تأخر بره فى شغل او مع صديق:
>
>
> السورية : شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني
> ما تتأخر عليي كثير مره تانيه عشان بشتائلك أنا ( يؤبرني دلع الشام )
>
>
> الفلسطينية : شرّفت !! وين كاين؟ مهو أنا كاينه حيوانه في الدار، طول نهاري
> أكنس و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا
> جاي إيد قدام وإيد ورا، كويس عرفت إلك دار وروحت ( لا تعليق)
>
>
>
> إذا طلبت شى منه:
>
>
> السورية : إبن عمـــــــــي تؤبشني تؤبر ألبي ( كله تؤبــر) حبيب ألبي فيك
> تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.
>
>
> الفلسطينية : إغلط مرة وجيبلك شغله حلوة معك بقلاوة وللا كنافة بدي أحلي تمّي
> إللي مرّر من هالعيشة إللي بتقرف ( هاى طخها حلال )
>
>
>
> إذا جابلها هدية :
>
>
> السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك
> بيعئد تؤبشني بتجنننننننننن الله لايحرمنى منك يا عمري
>
>
> الفلسطينية : والله غاب وجاب، وياما جاب الغراب لمه، من وين جايبها وقديش حقها
> هاي، الله يقطع هيك ذوق مش لو جبتلنا طبخة للدار أحسن ( حسبي الله )
>
>
>
> اذا بدك شي منها :
>
>
> السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص،
> شو بعبد سماك انا دخيلو انا شو بحبووو على راسى حبيب ألبي
>
>
> الفلسطينية : مهو حرام نستريح شوي، لازم حياتي تظل تعب ونكد، هو فش غيرك فى
> الدار؟ مش فاضية، وللا أقلك اطلع من الدار حل عنى روح شوفلك شغله سويها، فقعت
> مرارتى من شغل البيت اففففف اففففف.
>
>
>
> لو طلبت منها فنجان قهوة :
>
>
> السورية : من عيونى ابن عمى، أحلا فنجان بن من دياتى يستاهل تمك، وبدياتى راح
> شربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة
> بس )
>
>
> الفلسطينية : بدك قهوة ؟ هي اخوانك مرميين فى الحوش روح اشرب معهم، وللا أقلك
> روح عنك امك بتعملك، أترك شغلي وأعملك قهوة؟؟ هادا اللى ناقص، ياااا رب موتني
> وخلصني من هالعيشة اللى بتقرف ( كل هادا علشان فنجان قهوة ريتو سم ياشيخة )
>
>
>
> اذا حكالها (بدك شي؟) وهو طالع :
>
>
> السورية :- تسلملى حبيب ألبي ابن عمى، مابدي غير سلامتك مكفينى من كل شى مو
> ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك
> اعملك شى لمن ترجع؟ ( بتكون غبى لو طلعت وتركتها )
>
>
> الفلسطينية : لأأأأ (مع تبويزه طولها شبرين)... بديش إشي، وين بدك تروح؟ ومع
> مين بدك تقعد؟ انشالله بتطوّل وبتخلّيني لحالي زي الهبله، وللا أحكيلك، جيب
> معاك حفاظات للولد وإنت جاي.
>
>
>
> الذوق والتنويع فى الاكل:
>
>
> السورية : سلطات، تبولة، فتوش، محاشى، شوربات، كبه بأنواعها، محمّر، مشمّر،
> يعني سفرة عامرة من كلّه، والله لو ماعندها بقدونس راح تعملك تبولة هههههههههه
> بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي
> من ايدي، طيب كمان هاي دوءها واحكيلى شو رأيك، طيب هاي كمان وحياتي عندك
> لتاكلها من ايدي ابن عمى نفسك بشي وماعملته ؟ صحتين على ألبك ابن عمي.
>
>
> الفلسطينية : لو عندها كل أنواع الخضار، والثلاجة مليانة اغراض ولحمه وسمك، هو
> هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا
> اذا كنت محظوظ و ما حكتلك فش بندوره و خيار روح اشتري، أو خلص الغاز في نص
> الطبخه، روح جيب غاز اذا بدك توكل.
>
> طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون
> كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد
> الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين شيكل
> يشتري كندره.
>
> وأهم أشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني
> عاملة الغنايم ما شالله ) ... خليها تروح يمكن تنفتح نفسك وتاكل زي الخلق.
>
الرجوع الى أعلى الصفحة اذهب الى الأسفل
سكر غزة
مـشـرف
سكر غزة


ذكر
عدد الرسائل : 426
العمر : 36
العمل/الترفيه : طالب جامعي
تاريخ التسجيل : 21/04/2008

الفرق بين الزوجه السوريه والفلسطينية Empty
مُساهمةموضوع: رد: الفرق بين الزوجه السوريه والفلسطينية   الفرق بين الزوجه السوريه والفلسطينية I_icon_minitimeالأحد أغسطس 10, 2008 8:20 am

ههههههههههههههههههههههه والله هادا دليل كبير علي الزوجة الفلسطينة
يعني شو ما عمل معها زوجهاا ما بتحكيلو كلمة حلوه والله احنا الرجال الفلسطينة
مظلومين مع النسوان الفلسطينيات يعني بتعمل شو ما بدها وبالاخر ما بتاخد الا
البهدله وقلة القيمة الله يعيناا علي النسوان الفلسطينيات يارب اتزوج وحده سورية
هههههههههههههههه
الرجوع الى أعلى الصفحة اذهب الى الأسفل
البرنس الفلسطيني
الـمــد يــــر الـــعــــا م
البرنس الفلسطيني


ذكر
عدد الرسائل : 650
العمر : 34
العمل/الترفيه : طالب
المزاج : رايق
تاريخ التسجيل : 20/04/2008

الفرق بين الزوجه السوريه والفلسطينية Empty
مُساهمةموضوع: رد: الفرق بين الزوجه السوريه والفلسطينية   الفرق بين الزوجه السوريه والفلسطينية I_icon_minitimeالإثنين أغسطس 11, 2008 12:03 pm

ههههه ههههههه هههههههه شكرا ً كتير علي الفرق الجميل

انتي هيك قطعتي نصيب الفلسطينيات هيعنزو كلهم هههههه


يسلمو علي الموضوع ...تحياتـــي
الرجوع الى أعلى الصفحة اذهب الى الأسفل
https://3any.yoo7.com
سندريلا
مشـرفــة
سندريلا


انثى
عدد الرسائل : 806
العمر : 31
العمل/الترفيه : طالبة
المزاج : عادي
تاريخ التسجيل : 12/09/2008

الفرق بين الزوجه السوريه والفلسطينية Empty
مُساهمةموضوع: رد: الفرق بين الزوجه السوريه والفلسطينية   الفرق بين الزوجه السوريه والفلسطينية I_icon_minitimeالأحد سبتمبر 14, 2008 12:48 pm

اممممممم شاطرين يا شباب بتعملوا فرق بين الفلسطينيات والسوريات
بس اعرفوا ما فى بعد الفلسطينية ولا هيكون زيها
وبعدين الهن حق السوريات يعاملوا زوجهن هيك لانه شوفوا كيف الشب السورى يعنى غصب عنها بدها تعاملوا هيك
اما يا حسرة الفلسطينية بتبص على الفلسطينى
تلاقيها بتحكى الله يلعنه من حظ
لمة تكونوا زى السوريين
بنعاملكوا زى السوريات واحسن انشالله
وانا شايف شوما تسوى الفلسطينية قليل عليكن يعنى من الاخر احنا اللى مظلومات
تقبل مروري
الرجوع الى أعلى الصفحة اذهب الى الأسفل
ضي القمر
عضو نشيط
ضي القمر


انثى
عدد الرسائل : 72
العمر : 36
تاريخ التسجيل : 19/06/2008

الفرق بين الزوجه السوريه والفلسطينية Empty
مُساهمةموضوع: رد: الفرق بين الزوجه السوريه والفلسطينية   الفرق بين الزوجه السوريه والفلسطينية I_icon_minitimeالإثنين سبتمبر 15, 2008 6:15 am

ياريت تشوفوا حالكم الاول
متلا وحدة جوزها بحكيلها قومي حضري الفطور وبعصبية شو بدها ترد عليه
اكيد قامت قيامتك هههههه
الرجوع الى أعلى الصفحة اذهب الى الأسفل
 
الفرق بين الزوجه السوريه والفلسطينية
الرجوع الى أعلى الصفحة 
صفحة 1 من اصل 1
 مواضيع مماثلة
-
» التبوله السوريه
» ما الفرق بين قلب الرجل وقلب المراة
» الفرق بين الحب زمان والان
» الفرق بين الزوجة السورية والزوجة الفلسطينية
» الفرق بين عطسة البنات وعطسة الشباب

صلاحيات هذا المنتدى:لاتستطيع الرد على المواضيع في هذا المنتدى
عيون قلبي :: 
المنتديات الترفيهية
 :: منتدي الفكاهة والالغاز
-
انتقل الى: